الأربعاء، 24 ديسمبر 2008
Total credit hours required in Degree Program:128
ياربي شلون بأخلص ال 128 ساعة هذي
!!
وقعدت أشوف المواد اللي ماحطيت عليها شخطة << يعني اني خلصتها
بقى لي 4 مواد بس !! مو مصدق !! أخيرا بأتخرررررج ان شاء الله
12 ساعة تفصلني عن التخرج
استرجعت الذكريات ,, شلون طارت الايام بسرعة !!
أول ماجاني خبر القبول للجامعة وكنت مجهز عفشي وأغراضي كان عندنا رحلة لأبها ,, وانا اقول لهم اصبرو بس دقايق اشيك النت وافتح الموقع ويدي ترجف من الخوف لانها كانت أمنية لي ,, وافتح وادخل الرقم الا مبروك تم قبولك
أول يوم في الجامعة والحوسة وماادري وين أروح والجداول ,, والسناك بار ,, المبنى القديم ,, التفحيط في الماث
أول مادة ارسب فيها كانت في الاوريا هع شفت
الـ F
بعيوني خخخخ 
وكيف عدتها بنفس الصيف مع أحد الدكاترة الله يرحمه ويغفر له وعديتها
بعدين حوسة اختيار التخصص
وبعدها اختارت الهندسة الميكانيكية وعشت في أجواء الهندسة لمدة سنة اتخبط يمين ويسار ,, وتفحيط ألييم في مواد الهندسة الفيزيكس و الماث
الفترة اللي قررت اسكن فيها بالجامعة لعل وعسى ان يتعدل الوضع ,, بس للأسف ما تأقلمت ورجعت البيت هع ,,
أيام
الـ Lunch Group
و الطلعات والوناسة والرجوع ركض الى الكلاسات بعد الغدا
وانصدم
بالـ F
الثانية وأيضا في الماث العزيزة 
لأعلن القرار بتحويل التخصص الى المسار اللي كنت اخترته من أول بنفسي لكن لولا ضغوط الأهل
ودخلنا معمة
ال MIS
و كلية الادارة
بعد حوسة وزحمة استشارات وبعد مااستخرت
واذكر ذاك اليوم وانا رايح جاي في عز الظهر وانا ماسك اوراق التخصص وادور بين المباني ابي تواقيع الدكاترة والمشرفين والعمداء حقين التخصصين السابق والجديد
حسيته عذاب مو تحويل تخصص 
وبدينا من الصفر وتأخرنا سنة بسبب الهندسة
كان شعور محطم انك تمشي مع الدفعة اللي بعدك ,, لكن عدينا هالشعور ومشينا
ومرت الأيام ,, فصل بعد فصل ,,
عذاب التسجيل وتعليق السيستم من الضغط وانتظار ساعتين و3 و أربع لين مايفتح وتلقى كل المواد طارت
عذاب انك تلقى مواقف مع الزحمة خصوصا من الساعة 8 الصبح
أيام البروجكتات و السهر وأيام المذاكرة في كلاسات الجامعة في آخر الليل والمذاكرة الجماعية 
كل هالذكريات والايام الحلوة والمرة
مرت
وطارت بسرعة
الى أن تبقى لنا الآن 4 مواد على التخرج بإذن الله
والله ييسرها على خير ونلبس بشت التخرج باذن الله
والعرس بعد هع << قولو آمين عشان يقول لكم الملك ولك مثله
مبروك التخرج مقدمًا،
وعقبالنا يارب ^_^
وكمان عقبال ماتلسبون بشت العرس :d
الله يوفقكم ان شاء الله ..
وآمين >> على الدعوه .. ^^
تبي الصرااحه أخنقتني العبره وأنا قاعده اقرى .. مادري ليش مع المؤثرات الي حطهااا ..
^
^
أحس الوااحد عصب يبكي مع الجو هذا..
..الله يوفقك ان شالله وتنتهي وتتخرج على خير ..
وآآآآآآآآآآآآمين ..
حفظك المولى ووفقك في حياتك الجامعية ،
و عقبال الوظيفة اللّي تروق لك
و الزواج اللي يسعدك ~
آآآمين
دخلتنا جوووو أليييم و
ذكريآآآت
آهات حزينة و خلجات و مشاعر
كل ذلك كان سبباً في
- تخضّيب - عيوننا!
..
الله يبارك فيك وعقبالك ان شاء الله ,,
شاكر حضورك ,,
آمييين
الله يسعدك ويوفقك أيضا ,,
شاكر حضورك
مقصودة الآهات والجو الحزين خخخ
آمييين
يعطيك العافية
الأروع حضورك :)
آمين ,, ربي يسعدك
شالسالفة العالم ماغير دموع وصياح هونا خلاص بنشيل الاهات خخخخ
شكرا لحضورك
عقبال التخرج .. ما بقى الا شوي ^^ ..
ربي يوفقك ^^
تسلم لي يالسمي على تواجدك
وعقبال مانفرح بتخرجك بعد انت
=)
بالتوفيق يالغالي
اوووووف جامعتكم تعقيد
_____
حزنتني حتى انا باقي على تخرجي ترم
الله يوفقك ويوفق جميع الطلاب
استمتعت بزيارتي لمدونتك
عليكم السلام
مو تعقيد مرة
بالعكس احب نظاميتها ولما اشوف الجامعات الثانية اللي حولنا احمد ربي اني في هالجامعة
اللهم امين
لك كل الشكر
دنيانا مالنا منها الا عملنا الصالح
وايامك الجميله بحلوها ومرها يحسدك عليها الكثيرون فقد احسنت صياغتها بقالب سهل مشوق هاوقد شارفت على النهايه ولعلها البداية لحياة سعيده
مشرقه بتخجك وزواجك امين
هكذا هي الحياة..
قصتك الجامعية
جامعة بين احاوة والمرارة
أكثر شيء قهرني لما رسبت
صح قدر الله وماشاء فعل
بس لما يكون الواحد ممتاز ويرسب تحس قهر غير عن أي قهر..
لكن الحمد لله راحت الأيام وبقيت الذكريات
والله يكتبها في موازين الحسنات
ونحن قريب بإذن الله نلحق بكم ونتخرج
بقي لي سنة.. دعواتكم
أما عن جامعتكم جامعة الملك فهد للبترول والمعادن فماشاء الله كل من أقابله منها يمدحها ويقول ما يدخلوها غير الممتازين..
مثل حضرتك ومثل باقي فرقة صدى الخليج ولا يهونوا الجميع
أما عن معاناة الشباب في مواقف السيارات في الصبح فمعاناتهم معاناه..
الله يعينهم.. الحمد لله أني بنت وفي عندنا موافق ولا شيء ممكن زحمة بس بسيطة..
على كل حال مبروك على الخرج مقدماً
وعقبال الوظيفة الحلوة بإذن الله
والرفيقة الدرب الأحلى ..
وعقبال كل العزاب والعازبات..
ننتظر جديد قصصك المشوقة
وأعتذر على الإطالة..
أختك في الله :
الزهراء
http://www.youtube.com/watch?v=-pLy8mGMDrE